Deskontu progresiboak zure BAT txartela pertsonalizatuarekin

Deskontu-sistema progresibo berria zure BAT txartelarekin

 

BAT TXARTEL PERTSONALIZATUAREKIN,
GERO ETA ERRAZAGOA DA ARABAN MUGITZEA!

 

Pertsonaliza ezazu BAT txartela, joan-etorriak merkeagoak eta jasangarriagoak izan daitezen. Horretarako, eskuratu Alavabuseko* eta eskualdeko garraioko lineetarako deskontu progresiboak.

2024ko urtarrilaren 1etik aurrera, honako deskontu hauek izango dituzu BAT txartel pertsonalizatuarekin:

 

Hilean 1 eta 20 bidaia artean
%62ko deskontua

Hilean 21 eta 50 bidaia artean
%67ko deskontua

Hilean 51 bidaia baino gehiago
%72ko deskontua

 

 

NOLA FUNTZIONATZEN DU?

Joan-etorrietan, erabili Alavabus eta eskualdeko garraioa, eta pilatu deskontuak. Zenbat eta bidaia gehiago, orduan eta deskontu gehiago.

Hilabetea amaitutakoan, bidaia guztiak zenbatuko dira, eta egokitzen den deskontuaren ehunekoa aplikatuko da. Zenbateko hori automatikoki sartuko dizute BAT txartel pertsonalizatura, hurrengo hilabetean Alavabuseko eta eskualdeko garraioan txartela baliozkotzen duzunean.

 

 

 

ZERTARAKO PERTSONALIZATU BAT TXARTELA?

Horixe delako deskontu-sistema progresiboa lortzeko modu bakarra. BAT tarifaren gaineko %50eko deskontua baino ez duzu lortuko. Ez galdu hobari hauek, eta pertsonalizatu BAT txartela lehenbailehen!

 

NOLA PERTSONALIZATU?

BAT txartel anonimoa baduzu, erraza eta doakoa da, eta Tranbiaren Informazio Bulegoan egin dezakezu (Antso Jakitunaren kalea 9), NANa aurkeztuz. Ez da beharrezkoa argazkia eramatea, unean bertan webcam bidez atera baitaiteke.

BAT txartel anonimorik ez baduzu, edo ematen dena hondatuta badago, beste txartel bat erosi eta egin beharko da. BAT txartel anonimoak 5 euroko kostua du, 2 euroko karga barne.

 

Informazio gehiago izateko, Foru Garraioaren Erabiltzaileei Arreta Osoa emateko Zerbitzuan kontsulta dezakezu (945 18 20 60).
Ez zaitez atzean geratu!

Pertsonaliza ezazu BAT txartela, eta bidaiatu merkeago eta modu jasangarriagoan.

 

Transporte público. Sube que ha bajado

 

LEGE OHARRA: Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduan (DBEO) ezarritakoa betetzeko, jakinarazten dizugu zuk ematen dizkiguzun datuak Arabako Foru Aldundiaren titulartasuneko Bat Txartel Pertsonalizatuaren fitxategian sartuko direla. Fitxategi horren tratamenduak egiten dira Arabako eta Eskualdeko Garraio Zerbitzuko bidaiariek Bat txartel pertsonalizatua erabiltzeagatik lortu beharreko deskontu progresiboa zehazteko, txartel horien saldoa handitzeko lortutako hobariarekin, eta onuradunei lortutako deskontuen berri emateko. Helburuen artean dago, halaber, bidaiarien profilari buruzko estatistikak egitea, eta une bakoitzean indarrean dagoen Zerbitzuen Erregelamendua betetzen dela kontrolatzea.

Zure datuen konfidentzialtasuna bermatzen dugu, eta ez diegu hirugarrenei komunikatzen legez gaitutako kasuetatik kanpo. Zure datu pertsonalen tratamenduaren arduraduna Arabako Foru Aldundiko Gobernu Kontseilua da.

Datuak babesteko ordezkariarekin harremanetan jarri ahal izango zara helbide elektroniko honetan: dbo-dpd@araba.eus Datuak Babesteko Erregelamendu Orokorrak onartzen dituen datuak eskuratzeko, zuzentzeko, ezabatzeko, horien aurka egiteko, mugatzeko eta eramateko eskubideak erabili ahal izango dituzu, Arabako Foru Aldundiaren Erregistro Bulegora joz (Probintzia plaza, 5, 01001 Vitoria-Gasteiz, Araba).

Informazio gehiago: https://web.araba.eus/eu/politika-de-pribatutasuna